主人飯堂

自家制咖哩牛肉飽

2011-01-06T18:02:00.003-05:00

買左部麵包機之後, 真係好多野玩, 又有得食, 又健康, 抵買!!!

雖然我既第1次失敗左, 果然係之母, 因為之後我咁多次整麵包都非常成功!!!

今次好似係第...5次整麵包了...
由第1次既失敗,
第2次既白麵包,
第3次既比較鬆軟白麵包,
到第4次既腸仔飽,
第5次既咖哩牛肉飽,
得出黎既效果真係非常好,
老公又鍾意, 又平, 又健康, 又方便~

第2次

第4次

第5次

2010年春季期待日劇

2010-04-10T23:10:00.002-04:00

以下係小妹會看的~

星期一

月之戀人 - 木村拓哉、篠原涼子、北川景子、松田翔太、林志玲 (100%, 木村大愛!)

星期二

絕對零度 - 上戸彩、宮迫博之、山口紗弥加、丸山智己、北大路欣也 (10%, 看完第1集再決定)
白色榮光２ - 伊藤淳史、仲村徹、加藤愛、白石美帆、西島秀俊 (10%, 看完第1集再決定)

星期三

IRIS - 李秉憲、金泰熙、鄭俊浩、金素妍、金承佑 (10%, 看完第1集再決定)
臨場２ - 内野聖陽、松下由樹、渡辺大、伊藤裕子、高嶋政伸 (10%, 看完第1集再決定)

星期四

同窗會 - 黒木瞳、高橋克典、斉藤由貴、三上博史 (100%, 黑木瞳大愛!)
無法坦誠相對 - 瑛太、上野樹里、金在中、関めぐみ、玉山鉄二 (80%, 青春劇, 應該幾好)

星期五

不良仔與眼鏡妹 - 成宮寛貴、仲里依紗、前川紘毅、本郷奏多、川口春奈 ( (10%, 看完第1集再決定, 好似幾好笑)

星期日

新參者 - 阿部寛、黒木メイサ、向井理、溝端淳平、三浦友和 (100%! 有阿部寬又點可以錯過!)

病左...

2010-03-03T22:15:00.001-05:00

呢幾個星期成日轉, 前幾日就熱返, 連頭又落雪...

我唔多強健既身子終於倒下...

又頭痛... 又鼻痛... 又流鼻水... 仲周身骨痛...

唉, 我份人一係唔病, 一病就好嚴重...

唔知今次幾耐先好...

越南晚餐

2010-02-18T14:32:00.002-05:00

放左工, 唔知食咩好, 決定都係去返前排新開既越南餐廳食DINNER~

先來一個頭盤, 沙口爹雞串~

再來一個, 印度薄餅拼咖啡雞~

菠羅雞炒飯~

脆芋炒雜碎... (有蝦有雞有菜...唔識形容...)

(後補)情人節當天的晚餐

2010-02-18T14:27:00.001-05:00

情人節當天, 去了看VALENTINE'S DAY...
好失望, 唔睇好過睇, 又多人, 又迫, 仲要唔好睇... (回水啊...)

睇完戲, 行左陣MALL, 就去左食晚餐,
大部份鬼佬餐廳都超多人勁多人,
所以我地去左韓國人的餐廳, 食韓燒~

正式的韓國人食法, 係主菜一碟, 再加好多好多細小碟,
同香港好唔同... (我鍾意香港個食法多D...)

情人節

2010-02-16T11:40:00.005-05:00

Sunday, February 14, 2010

今年情人節, 主人買左一樣我"真係估你唔到既禮物"比我...

雖然我係鍾意EVA... 但呢個究竟係咩黎... 成支潤唇膏咁...
原來係... 2GB 既MEMORY STICK... orz...

好彩, 除左之外仲有條我想要同埋鍾意左好耐既頸鏈...

自制燒肉 & 今日落左4寸雪

2010-02-13T00:41:00.004-05:00

今次是第2次自己整燒肉, 冇辦法啦,
主人最鍾意食, 而我住呢到又買唔到好味既燒肉,
不過估唔到試試下咁, 比我整到出黎~ 呵呵~
唔係FIRST TIME LUCK 架~ 好味架, 仲好JUICY添~

好凍, 好凍, 凍左幾日, 之前新聞講既東部大雪終於黎到我呢到了,
中午時份, 開始落雪, 由細細粒到大大粒,
D車頂全部都舖左層雪, 都有成3-4寸架~
ATLANTA好少可咁凍, 仲要咁大雪...
以前我好希望見到雪... 而家... 謝了, 可唔可以比返D溫暖我...

照燒牛柳粒, 肉碎豆腐, 香煎雞翼, 滾黃芽白湯, 炒露"純"

2010-02-11T22:39:00.003-05:00

今日心情好, 所以整多幾個食送, 不過全部都細細碟~ :P

照燒牛柳粒

肉碎豆腐

香煎雞翼

滾黃芽白湯... (加D肉丸同豆腐皮)

炒露"純"... (唔記得個字點打...)

主人的お便當

可口旦糕...

2010-02-01T15:59:00.002-05:00

尋日星期日, 同朋友飲完茶, 再同主人買食送,
之後行過旦糕店...
我同主人都唔忍得口... 一人選擇左一件旦糕,
要黎做下午茶...

我其實好鍾意食蛋糕, 但只限於日式的芝士蛋糕,
同埋由細到大果D傳統西式蛋糕, 即係美心聖安娜果D生果蛋糕,

至於近十年大熱果D我就麻麻地... 因為佢地通常都好"溜"... orz...

日本野...賣飛佛...

2010-02-01T15:54:00.001-05:00

果日收左工, 又係去我既賣飛佛... 食日本野...

第一個更係魚生啦...

天芙羅, 照燒牛肉...

加州卷...

吉列豬扒, 炸軟売蟹...

招牌拉麵...

主人鴨絲炒麵~

2010-02-01T15:47:00.002-05:00

上兩星期, 主人有日心血來潮, 話佢好耐冇整"鴨絲炒麵",
話要整過我食...

咦咦咦!!! 乜你識整既咩...
當然啦, 難得佢開口, 我當然歡迎,
就係咁, 第2日放左工, 同主人去買完食送, 再買多半隻燒鴨,
就返左屋企煮飯仔...

主人買左D"炸麵"... 然後係到翻炸... (好肥... 比我會選擇焗...)
然後再張D鴨起骨, 切絲, 再同鴨汁煮個汁, 加芽菜果D炒埋...

嗯... 味道都幾好既... 當然我更係讚佢"好好好好食啦"...
容乜易佢唔肯下次再煮架...
不過我自己就唔會整... 因為唔係我既STYLE~ :P

留返D只係我佢識整既野, 唔好話樣樣我都識,
一陣佢比較完以後就唔肯整架啦... >.<" (好似燉旦咁...)

佢以前整過, 之後我上網學左第2個方法, 整比佢試過之後,
佢就唔肯再整啦... 嗚... 話我整好食D... 咁我就冇得再食佢既手勢了...

巨型油炸鬼~

2010-02-01T15:37:00.003-05:00

先幾日, 又去左食"劉姐", 是食北方菜的店,
之前很簡陋, 很少客人,
然後搬了店, 有了裝修, 現在很多人... -_-"

通常我去那都是為了止癮...
咩癮呢... 就係小籠包啦...
我自小已經好鍾意食...
去到咩酒樓都會叫...
當然唔係到到好食啦...

至於我住呢到... 想食就只有黎呢間店...
佢D小籠包好好食... 皮都好簿... 好多時入面仲有汁添...
不過都係果句... 要夾得好小心... 唔係就穿曬... :P

但佢最最最令我喜歡的... 其實係佢既"油炸鬼"...
新鮮炸起... (好熱氣... 算! orz...)
仲要好大條... 睇下張相!!!

食都半條, 基本上我都飽左7成...
再加多4隻小籠包, 我已一餐就夠曬... :P

蒜蓉炒白菜仔, 燒汁可樂骨, 魚香肉粒滑豆腐

2010-01-09T15:17:00.004-05:00

真係好方便, 換左呢部手機之後, 影相話影就影,
我部數碼相機都唔知去左邊了...
呢部手機唔係講笑, 八萬像素...
真係隨時靚過我部相機...
最勁係佢原來仲有埋防手震功能...
唯一可惜係冇日期~ 唔緊要, 我都非常LIKE!

好啦~ 今日的是日精選~

蒜蓉炒白菜仔

燒汁可樂骨

魚香肉粒滑豆腐

另外, 我同主人的お便當就係... 白汁粟米火腿蟹柳意粉~

再加小玩意甜點~ 士多啤里朱古力波波~ ($3)

咸旦滾西洋菜湯, 節瓜炒牛肉, 日式照燒生姜雞扒

2009-12-12T11:10:00.004-05:00

今日又POST下我尋晚煮既菜啦~
好簡單, 2食送一湯, 白飯唔係任裝~ XD

咸旦滾西洋菜湯

節瓜炒牛肉

日式照燒生姜雞扒

----------------------------------------------------------------

外話: 真係好想去日本旅行, 又好想去買日本既野~
前排係FRANCFRANC到睇左個便當盒~
好想買2個, 我同主人1人1個帶飯返工食~
可惜, FRANCFRANC既ONLINE SHOP只賣日本本土,
唔知HK果間分店仔有冇得賣呢...
如果有朋友仔行開, 幫下眼丫, 睇下有冇呢個賣~ THX~

嘻嘻~ 潛左水好耐~

2009-12-11T12:37:00.003-05:00

好耐冇更新呢到啦~
唔係代表我失左縱既~
成日都覺得冇咩特別事想寫,
又好似冇咩煮過D咩野特別野,
所以就懶懶懶左成大半年冇UPDATE啦~

我今日UPDATE得既, 更係有新玩意先咁做啦~

我用了近5年的手提電話, 我比佢退休了~
我的SONY ERICSSON K600I~

銀色的外殼~ STYLISH既DESIGNE,
其實我到而家都仲好鍾意佢,
就係因為咁我5年唔換機~

今次換左新手機, 都係SONY ERICSSON, 係佢既C905,

其實呢個MODEL係香港上年已經出左架啦,
不過佢當時出要成4千幾蚊, 而家好似2千幾蚊,
而我係美國今次就係簽2年CONTRACT 零蚊出左佢,
佢既賣點係8萬像素... 其實對我黎講... 作用不大...
因為我好少影相, 不過佢既外型拍得住K600I,
又係銀色, 滑蓋, 不過好似大部左同厚左DD...
算係唔錯啦~ 不過話曬係新野, D相放入去做WALLPAPER之後,
真係靚好多又真既...

日式漢堡扒, 蒜頭豆豉煎倉魚, 清炒菠菜

2009-06-06T10:14:00.003-04:00

呼~ 好耐冇update個blog啦, 又潛水又偷懶~ 呵~ 抵打~!
一次過mix埋d相啦~ 嘿~
之前煮左唔少餐架, 亦都有影相, 不過之前真係忙左d, 影完又唔記得整~

另外, 加返5月20號果日同個朋友仔fairwell既意大利餐~
真係食傳統意大利野架, 唔同香港果d呃人餐廳~

最後, 當然係尋晚果餐啦~

尋日整左日式漢堡扒~ (跟jubie學既)

仲有蒜頭豆豉煎倉魚~ (跟龜仔學既)

同埋清炒菠菜~

羌蔥炒蟹

2009-05-11T12:26:00.002-04:00

今天星期天, 同主人既朋友一齊飲完茶, 當然節目就係去買餸啦~
主人喜歡吃海鮮, 魚除外, 而我就除左魚之外, 樣樣都麻麻地,
因為吃得多皮膚會敏感啊... T_T

知道主人想吃蟹很久, 但之前數次去market都冇新鮮的~
今日見到有了, 當然立即買返屋企啦~
呢隻咁既野... 要成19蚊丫... 貴過香港太多了...
而我...係唔識亦唔敢整呢d既... 太恐怖了...
所以呢類食物, 全部都係主人負責殺~
我負責煮 ^^"~ 好味丫~

叉燒炒旦, 香煎豬扒, 炒粉絲, 冬瓜肉片湯

2009-05-11T12:22:00.002-04:00

Monday, May 4, 2009

翠玉瓜炒麵筋咸豬肉, 魚露炒小唐菜, 肉碎茄子, 西洋菜香菇肉片湯

2009-05-02T15:25:00.003-04:00

看得多, 睇得多, 發覺網友既建議好好~
原來, 餐餐飯有個湯, 無論滾定煲, 個感覺都係好好多,
果種"家"~ "屋企" 飯既感覺特別濃~

今日都係好簡單, 3個餸1個湯~

先黎~ 翠玉瓜炒麵筋咸豬肉~

然後就有~ 魚露炒小唐菜~

小點~ 肉碎茄子~

最後係~ 西洋菜香菇肉片湯~

肉碎蒸旦, 翠玉瓜炒魚片, 絲瓜香菇肉片湯

2009-05-01T11:55:00.003-04:00

去完紐約, 返黎就當然係忙返工啦~
煮飯, 要煮既, 紐約餐餐食咁多, 攪到我肥左幾lbs...

今日2餸1湯~
先黎學衛太既肉碎蒸旦~

再黎翠玉瓜炒魚片~

然後既係滾湯~ 聖瓜香菇肉片湯~

真假427

2009-04-30T08:27:00.006-04:00

今日唔講食住, 想講單美國既攪笑既野~
話說發生當日, 就係我係紐約既最後一日,
時間我當時係華爾街既酒店入面,
事件係美國總統既"空軍一號"低飛紐約~
後面仲有一架f41戰機飛得非常接近~ 有如追逐一樓...

仲要係非常非常接近downtown manhattan區~
究竟發生咩事呢~

先勿論點解會咁, downtown好多商業大慶既行政人員,
見到已經嚇到即刻走曬落街, 因為佢地以為係911既"續",
即是427恐怖襲擊, 佢地見住有架好大形既客機低飛自由神像,
再飛近downtown既高樓大廈, 仲狂叫"oh my god~ oh my god~"

事件發生後, 警局等收到很多call, 甚至紐約市長亦大為震驚,
市長立即狂罵白宮以後聯邦政府, 點解咁大既事冇人通知佢..
最攪笑係...原來美國既阿一 - 奧巴馬都唔知有件咁既事~
哦~~~~~~~~~~~~~~~ 原來..... 係空軍一號自己要影一d新既相,
要用自由神像, manhanttan既高樓大廈做背景...
奧巴馬話自己都唔知道有件咁既事, 亦係到發火罵人...
話空軍一號既部門唔可以咁做, 仲公開道謙...

老實講, 呢樣野我有保留, 點解呢... 空軍一號係佢既專機,
我就唔信佢冇一個手下知, 何況咁做會引起恐慌, 我未讀話政治,
咩都唔識既人都預計到啦, 咁擾民既事點可能果d部門會唔知~

反而, 我有一個想法係... (陰謀論)... 奧巴馬想試野...
佢差不多上任左100日, 係時候要做返d測試,
試下美國人究竟而家心態上係點, 對於7年前既所謂恐怖襲擊,
放低左幾多... 試左... 哦~~~ 原來仲係好深好深...
有如驚弓之鳥... 好啦試完, 更係要打完場啦, 咪扮曬唔知走出黎,
罵兩句, 再道下謙就冇件事啦~

你睇...過左3日之嘛...已經冇曬新聞了... 下個月可能唔記得左添了...
而我, 亦為左提醒自己有呢件事,
所以, 要寫下blog講下, 黎提醒自己~

http://www.cnn.com/2009/US/04/27/low.flying.plane/index.html?iref=newssearch#cnnSTCVideo

http://www.cnn.com/2009/US/04/27/low.flying.plane/index.html?iref=newssearch#cnnSTCVideo

http://www.ireport.com/ir-topic-stories.jspa?topicId=250958

http://www.ireport.com/docs/DOC-250885

紐約自由行 (5日4夜)

2009-04-28T14:41:00.009-04:00

呼~ 終於返黎啦~
玩完5日4夜, 人都散曬, 又熱又曬~ 攪到我塊面紅曬 >.<"
玩左幾日, 之前計劃左去好多地方, 但實際上原來到到都花好多時間,
行少左好多地方, 但今次真係食左好多好野, 名正言順係搵食團~

第1日
----------
搭中午12點鐘機~ 由亞特蘭大去newark機場~ 落機之後, 座機場火車出返downtown, 都已經差不多6點~ 我地先買左張火車周票, 25$, 7天任座地下鐵~

我同主人就拿拿林去酒店check-in先~
原來間酒店係正華爾街, 係trump building隔離, 亦係股市交易所附近~
真係勁多警察~ :p 對我黎講即是多security啦~ (安全~)
入到房, 都ok丫, 干淨整潔~

係酒店安頓好一切後, 就座地下鐵去china town食野啦~
主人選左一間酒家, 我地叫左3個餸~
魚香炒九菜花~ (唔記得咩名)
蒜香雞~
籠仔蒜蓉蒸開邊大蝦~ (可惜黎左唔算好大隻 -.-^)
不過佢地送左個老火湯連湯咋~
埋單連小費差不多$40蚊~

第2日
----------
抖左一晚, 第2朝就起身出發去唐人街,
little italy,
同SOHO區遊蕩~
我地一邊行, 一邊睇, 可能仍然是weekdays (星期5), 所以都未算好多人~

係little italy行左陣, 就搵間路旁既小cafe座低, 嘆返杯咖啡~

嘆完咖啡, 我同主人就走左去SOHO區, 睇下d藝術野~
然後我地去左一間餐廳食下午茶~ 呢間野叫SAVOY~
之前係網上面, 有位台灣既網友話呢間餐廳要試, 所以我就去試啦~
呢間餐廳, 唔講唔知, 細細間, 但佢係2008年米芝連既星級餐廳之一~

我地叫左一杯青檸特飲 (超好飲!!! 10個good!!)~ 佢送既自家制麵包連牛油~
蘇炸鴨肝~ (超好食, 又滑又香, 入口溶化... 10個good!!)
自家制香腸配蘋果汁酸菜~ (呢個普通d, 但都好好食, 5個good!)
$30蚊不連小費~ 抵丫! :p
而且環境又有特色, 好舒服~

食完之後, 我地再出發, 去5th avenue行, 中間好多名店啦,
又有中央圖書館啦~ 真係行到腳都斷................
睇左好多野~ 影左好多相~

行完第5大道, 晚餐我同主人又返返去唐人街到食飯~
仲剪埋頭髮~ :p

我地去左間叫鹿鳴春既上海餐館到食, 真係好驚喜~
佢個蟹粉小籠包真係一絕~ 只係7蚊一籠, 有8隻~
比我之前去台灣, 甚至香港既酒樓餐館還要好食~
又多湯又新鮮, 又香又滑, 皮又薄~
我下次去一定再食~
除左小籠包, 我地叫左個麻香牛肉粉絲湯,
同埋九菜豬肉水餃~
$30蚊出門口~

第3日
----------
今日我地去左行博物館, 冇咩影相, 因為太太太累,
隻腳仲因為尋日行得多而勁痛~ 只係睇完之後去嘆左杯咖啡~

另外去食左間好正既扒房餐廳
(Ben Jack's Steak House)~
我地包場丫~ :p

我就叫左個入口溶化既牛扒, 主人就叫左個海鮮意粉~
埋單... (過百蚊...) 但真係好好好好食... 抵佢...既...

第4日
---------
今日起身之後去左唐人街飲茶,
飲完茶就座車去發去呢到最大既woodbury outlet~

當然...買左唔少野啦, 當中有自己架啦, 同埋有媽媽既母親節禮物~
同埋爸爸既父親節禮物~

晚飯, 我地又返返去唐人街食飯, 去左間叫福臨門既酒家~
原來2009年米芝連又有佢份!? 少有喎, 中餐~
我地就叫左紅燒乳鴿, 炸soft shelf crab~
蛋白炒飯~ 椒絲腐乳通菜~

第5日
----------
今日係最後1日係紐約~ 下午就上機了~
主人恨學華爾街d人飲街邊咖啡同熱狗早餐~
所以我地就學人咁去買, 原來都好好味架~ :p

出發前~

2009-04-20T22:44:00.008-04:00

因為黎緊星期4會去玩~ 去紐約旅行~ 玩5日4夜~
所以黎緊呢2-3餐都係會以清左雪櫃既存貨為主~

今日好似幾好餸~ 呵~

第1個~ 先準備好明天主人的便當~

然後, 再黎就係今日既餸啦~

先黎, 魚香煎雞翼~

第2個, 薑蔥蒸魚柳~

第3個~ 蕃茄煮薯仔~ 唔係湯黎架~

第4個~ 係我最鍾意既~ 叉燒炒滑蛋~

最後, 就係女仕寶湯~ 花膠豬手雞腳瘦肉湯~
好多膠質架~ 對我地女仔既皮膚好好架~

最後, 黎個大觀望~

自制叉燒, 咖哩粒粒魚柳飯, 韓式豆腐海鮮湯, 綠豆粥

2009-04-17T10:40:00.007-04:00

上次學衛太整叉燒, 失敗左, 今次試下買另一個部份既肉黎整,
雖然都唔似出面買既, 但整左出黎味道都唔錯~ 主人都話ok~
下次可以再試~

咖哩粒粒魚柳飯~ 將d咩丸咩丸切粒, 再加日式咖哩, 放塊魚柳係底, 就攪掂~
呢個飯我同主人都好鍾意食~ 一來方便, 二來野味~

呢個係韓式豆腐海鮮湯, 係jubie到學返黎, 再自己改d~
食之前加隻生蛋, 效果更好~

自制綠豆粥, 近來我好鍾意整呢個, 因為佢清熱, 又易整,
仲有, 我而家研究左個新方法, 就係40分鐘煲好~

原理來自新法煲粥大法, 而家網上面流傳左一個新方法煲粥,
30分鐘就攪掂, 就係先將d米同水放入冰箱一晚,
第2日將果個米連冰水一起放入熱水煮, 邊煮邊攪,
30min真係煮好, 仲又綿又滑~

而我就係基於呢個idea, 將d綠豆同水放入冰箱一晚,
第2日將果d綠豆連冰水一起放入熱水煮, 邊煮邊攪,
40min有得食~ 掂, 又快~

辣子炆雞, 羊架, 節瓜蝦米, 生蠔煎蛋, 煎三文魚

2009-04-17T10:30:00.002-04:00

茄汁煎蝦+咸豬肉炒皇帝菇

2009-04-15T11:22:00.003-04:00

星期日那天, 跟主人和朋友出外吃完brunch~
就去買定餸, 見到d大大隻蝦有特價, 就買左1鎊, 星期一煮~ :p
賣相都ok丫, 我上網睇左好多煮法, 而家出黎呢個係自創的~

第1個茄汁煎蝦, 先煎香d蝦, 再用tabasco+茄汁+"keep"汁煮~

另外2個就係咸豬肉煮皇帝菇 & 黑椒西蘭花炒魚片肉絲~

p.s. 上面呢張相d蝦既賣相已經... x左!!! 因為主人太心急, 已經係到偷食 -_-"

懶鬼唷~ >.<"

2009-04-13T12:53:00.011-04:00

偷懶左好多好多日冇update個blog啦~~~

好對唔住~

其實... 我冇偷懶整野食, 冇偷懶影相... 只係偷懶update姐...

今次一次過upload返之前整過既野食~

1. 芒果布丁 (無印版)
呢個又係無印既出品, 又係好易整, 原來仲好好好好食添~
大家一定要試呢個丫~

2. 羊架雞翼餐

3.清腸胃的一餐

3.咩都有

叉燒炒滑蛋, 清炒菜, 生薑雞柳蓋飯

2009-04-03T10:56:00.007-04:00

尋日, 終於拿起心肝自制叉燒, 美國呢面買叉燒係好難既事, 一係冇,
有就一係唔好食, 好叉難求...

然後前幾日係衛太個blog到見到佢自制叉燒, 心郁郁走去試,
試左效果都唔錯, 可能係我買件肉的問題, 或者調味問題,
如果就咁切黎食, 就唔係好易, 反而切左粒用黎炒蛋,
主人就話好好食~

呢個炒滑蛋, 係我心血來潮的試驗品,
雖然我一向都有炒滑蛋, 但對於要用好多油, 同埋好生先可以咁滑,
我有保留, 始終, 我覺得最好食既都係澳奶的炒蛋~

我尋晚炒滑蛋果時, 我試左一樣野, 加落d蛋到...
炒完出黎, 唔係用好多油, 8成熟, 依然咁滑, 主人話同澳奶有得揮添~

另外, 就係生薑雞柳蓋飯啦~ 呢個係同jubie偷師學返黎既~
我好鍾意食, 做法亦好簡單~

咖哩吉列豬扒飯

2009-04-02T10:18:00.005-04:00

主人既朋友之前黎過食飯, 食過我整既吉列豬扒, 話好想試埋我既咖哩吉列豬扒飯,
我應承左佢, 但次次佢黎到, 一係我冇料, 一係我唔記得, 一係我預備比第2d野,
尋晚, 叫左佢黎食飯, 因為煲左煲靚湯, 係豬手花膠花生湯, 對皮膚好好架~
(不過冇相...因為我都未影相... 主人同朋友仔就已經食緊我d湯泎... )

整咖哩吉列豬扒, 我會用日式咖哩磚, 2粒, + 1湯匙味噌+8-10粒辣椒, 加木魚上湯煮,
我仲會加d 急凍海鮮雜, 加辣椒係因為日式既咖哩係唔辣的... 為左應合香港人既口味...

至於d吉列豬扒, 我會先用工具拍打, 再用胡椒鹽醃一晚,
煮之前就準備蛋1只, 麵粉2湯匙, 麵包屑3湯匙,
先將豬扒點麵粉拍勻, 再點蛋漿, 再點麵包屑,
我因為屋企既關係, 唔係用成鑊油炸, 係用半煎炸方式,
效果都唔錯架~

民以食為先, 搵食搵食~

2009-04-02T10:05:00.004-04:00

Tuesday, April 1, 2009

我一直都覺得, 我地日日做野咁辛苦, 由細到大, 返工做野, 都係叫"搵食",
唔知幾時開始因為d咩瘦身廣告, 令到一眾好似我呢d好鍾意食野既人,
唔再敢食多野, 亂食野, 嚴重d...仲愈食愈少...就黎唔食咁制...
以前既人, 出去做野返工, 真係為左搵錢黎買飯食, 買野食, 買野比屋企人食,
而家呢, 搵錢可以講, 唔再係為左食了... 可能係為左供樓, 供車, 供手袋,
供手提電話, 供衫... 咩都得...就係唔係為左食,
中國人傳統既民以食為先去左邊呢... 真係唔知... 但我仍然知道係...
我的確係愈食愈少... 但... 我仍然係好鍾意食野... 只係食既份量少左...
冇法啦...大勢所"吹"...

分享一下我既午餐 (在家的午餐~)

對我黎講, 冇錯, 午餐應該簡單d, 但呢個係我既brunch, 即係早午飯,
好多野, 我對早午飯既要求比晚餐仲要高, 我好多時會係煎三文魚飯~
或者好似今日咁, 煎三文魚拉麵~
(我呢拉麵真係日本既拉麵, 係果面空運急凍過黎, 通常如果我之前果日去完market買野,
就會好忍肉痛咁買一包, 一包有2隻, $5.5~ )

海鮮大餐!?

2009-03-31T10:11:00.003-04:00

尋日放工, 今日都算係大日子既, 係主人的生日~
所以, 放左工就去左食飯, 主人想食生蠔, ok啦~ 你大曬, 你話事~

去左paparadezu~ 係我地呢到專食生蠔, 蟹, 蝦, 同龍蝦既餐廳~

去到, 我地2個人先黎一個頭盤, 1打生蠔~ 我就1杯sweet tea + lemon~

之後, 再黎半打焗蠔~ 同1個意粉~ 好好味架~

埋單連小費$50蚊走人~ :p

咸魚雞粒炒飯

2009-03-29T20:22:00.007-04:00

今日, 星期日放假假, 同主人去完mall行街, 就心血來潮, 想煮咸魚雞粒炒飯~
之前係shirley個blog睇過1次做法, 以為好簡單...原來整起上黎...都幾麻煩...
攪下攪下, 整左我足足個幾2個鐘, 唔緊要啦, 整完出黎比主人試味...........
主人讚丫~ 呵呵~ 咁辛苦少少都ok啦~ (佢話好食過出街食... :p)

材料:
咸魚5件去骨~ (相入面我既size係好細的~)
雞脾肉去骨3件, 切粒~ (細於1cm x 1cm)
菜粒 1碗 (可用唐生菜, 生菜, 芥蘭, 菜心, 菜仔等~)
魚露
蛋 2隻
飯 4碗
蔥 1條

做法:
- 先將雞肉切粒再用生粉, 生抽, 糖, 鹽, 麻油, 紹酒, 胡椒粉, 雞粉醃30min
- 用水浸一陣d咸魚, 再隔水蒸熟 (因為熟左起肉易d)
- 用熱鑊加少許油炒一炒菜粒和蔥粒, 盛起備用
- 用熱鑊加少許油炒熟雞粒, 盛起備用
- 用熱鑊加少許油爆香咸魚, 再倒入雞粒炒勻, 盛起備用
- 洗淨鑊, 打勻雞旦, 倒進已有少許油的熱鑊, 5-10秒內把飯倒入, 不斷炒, 炒至飯粒自己獨立可彈起
- 加魚露進飯調味 (個人喜好多少)
- 最後加雞肉咸魚粒和菜蔥粒炒勻上碟~

p.s 個人推介一定要用魚露, 因為真係香好多好多, 將d咸魚味勾曬出黎~

烤汁排骨, 芥蘭炒臘味, 魚煎三文魚, 炸菜肉絲

2009-03-29T20:10:00.002-04:00

之前係"通之廚房"睇到一個食譜, 一直好想試整,
終於前日去market買左包排骨, 學煮, 好好味, 主人猛讚~

食譜here~ (通之廚房)

另外, 我唔記得有冇係到講過, 自從我上年11月去完北海道之後,
我愛上左日本菜式, 而我返美國之後, 我就更加成日食三文魚,
初初只因為好食~ (以前成日食壽司)
後來我上網做下research, 先知道原來三文魚好有益,
基本上可以話, 係所有所有魚丫, 菜丫, 紅肉丫, 白肉入面,
最最最有益同健康既食物!!!

-------------------------------------------------------
三文魚又叫鮭魚，鮭魚富含 Omega-3不飽和脂肪酸，不僅可降低高血壓、膽固醇的含量，且對兒童智力發展十分有益，但你知道嗎？不飽和脂肪酸還可抗憂鬱，及抗老化等功能，面對忙碌的工作壓力，若不想罹患憂鬱症，不妨平時多吃魚。
營養師謝宜芳表示，鮭魚是所有魚中 Omega-3不飽和脂肪酸含量最高的魚類，每 100克挪威鮭魚約含 2.7克 Omega-3不飽和脂肪酸，是世界上最有益健康的魚類。
她指出， Omega-3不飽和脂肪酸能有效降低高血壓、膽固醇的含量及心臟病的發病率。
且鮭魚的皮魚油成份含高，若懷孕的婦女食用含高脂的鮭魚，不僅能讓胎兒的智力發育更完好，且能預防有氣喘家族史的嬰兒在 1歲以前患氣喘及胎兒的眼睛不會有視網膜病變。
此外，鮭魚每 100克約含有 18.4克蛋白質和 19.8克胺基酸，而蛋白質和胺基酸是抗老化聖品，因此，愛美的女性若想擁有年輕的好膚質，不妨多吃鮭魚，更重要是，鮭魚不亦發胖，能讓人保持好身材，這也是為什麼日本人那麼發吃魚的因素。
另鮭魚富含維生素 A、 B1、 B2、 B3、 D、 E，且是鈣、鐵、鋅、鎂和磷等礦物質的良好來源，而這些營養素，皆是每一個人一天所需的營養來源，因此，想維持健康的身體，降低疾病發生!
-------------------------------------------------------

吉列豬扒, 萄汁肉絲西蘭花, 香草羊架

2009-03-28T12:02:00.004-04:00

尋晚, 幾豐富的一餐, 有羊, 有豬, 有魚~ 哈~

頭盤先黎一個香草焗羊架~

再黎主菜2款~ 萄汁西蘭花+肉絲+魚片

仲有"主人"至愛~ 日式吉列豬扒~

新玩意~

2009-03-26T11:53:00.003-04:00

又有新玩意了, 今次唔係我, 係主人既~

主人係一個咖啡迷, 佢1日一定要飲1杯咖啡, 唔係就會好冇精神,
就算明知咖啡有幾多唔好, 佢都放棄唔到, 冇計...

近來佢睇中左個新咖啡機, 係新設計, 方法好簡單,
你一定要用佢公司既咖啡cup~ 入面有曬filter 同咖啡粒,
只要加水, 30秒就可以出到咖啡, 有大中細杯分添~
不過價錢一d都唔平, 要成$150 一部 -.-... (冇錯...係美金...好好好貴...)

d咖啡又唔可以買出面果d, 一定要同果間公司買, 雖然話間公司有成150種唔同味,
但係... 咪即是比人牽住個nose走囉...

不過算啦... 佢咁恨要... 仲要自己比錢...

簡單又麻煩的一餐

2009-03-26T11:47:00.004-04:00

補返星期二果篇先 :p ~ 成日唔記得左, 太忙了~

Tuesday, March 25, 2009

今晚, 2個人, 唔好成日都以為煮野好簡單, 好多時食同睇出黎好少野,
但背後既工夫, 都夠做死人...

進行碟頭飯制~ 呵~ 咁可以限制住我同主人食幾多, 借d2 keep fit~
1個咩都有既飯, 有叉燒, 有雞鎚, 有豬扒, 有煎蛋, 有咖哩汁,
另外加個炸菜肉絲同腐乳唐生菜~

唐人街飯堂的一餐

2009-03-24T10:34:00.009-04:00

今日放工,2個人,唔知食咩, 好似好耐冇去唐人街食飯, 就去左果到食野~

叫左1個咖哩牛腩麵~
呢個麵好好食, 不過平時我地叫牛肉麵既, 今次"主人"話想食牛腩喎~
個麵既咖哩好濃, 又夠辣, 好鬼野味~

1個福建炒麵~ (冇錯, 係麵, 我係香港食福建炒飯食得多, 麵就係美國先食到!)
(.......丫, 唔知福建有冇既呢... :p )
呢個麵都ok架, 濕濕地~ 但我覺得叫海鮮炒麵會似d...

到後來返到屋企, 就係雪櫃拿左d我之前整既甜品, 奶茶布丁~
呢個係無印既良品, 係香港買返黎, 上次試過1次, 味道唔錯,
所以前排返香港又買左包~ 佢既做法都好方便,
成包粉用熱水煮開, 再加100ml奶, 用機打mix溶, 再雪就可以~

想外賣到自煮的一餐

2009-03-24T10:18:00.005-04:00

補返星期日果篇先:

sunday, March 22, 2009

今日星期日, 同"主人"齊放假, 同個朋友仔出去食完brunch就返左屋企打機,
到夜晚, 朋友仔走左, 我同"主人"原本打算出去買炸雞返黎食,
但一想到好熱氣, 我就話算了, 自己煮, 煮左咩呢?
1個滾菜湯同1個煲仔~

滾菜湯係"皮旦咸旦西洋菜湯"
出左少少貓既, 我先加粒家樂牌既濃湯寶(雞湯味)落去<香港買返黎>,
煮起左再加皮旦同咸旦滾左5min, 等佢地淋同出味, 再加西洋菜落去,
合蓋5min, 就可以了, 鹽丫咩都唔駛菅都好夠味~

另外個煲仔就多野少少, 係"自家八珍豆腐煲"
先用一件軟豆腐煎香2面, 等佢硬身, 放入煲仔,
然後用鑊煮熟其他材料, 好似豬肉絲, 蟹柳, 海鮮雜, 蝦等~ (自己like咩有咩就落)
煮完加d水, 再落生粉水令佢"結", 煮完就一齊倒入煲, 將煲大火1-2min,
上枱果時就可以好新鮮咁有泡泡了~

蝦醬雞槌

2009-03-21T21:15:00.001-04:00

今晚, 煮左蝦醬雞槌, 臘腸蒸梅菜肉餅,
加多個自創既~ sukiyaki汁蘑菇粗粉絲~ (估唔到都幾好食...)

果個pack好一盒既...係我"主人"的便當~ :p

清腸胃的一餐~

2009-03-21T10:42:00.003-04:00

之前去衛太個blog到, 見到原來佢屋企有個習慣,
就係一星期食一次清腸胃餐~ 咩係清腸胃餐呢?
就係白粥炒米粉囉~ 睇完, 我個心戚戚然, 決定學下~
唔好食黎食去d野都咁肥~

今日, 就煮左白粥+炒米炒+菜+餃子~
因為另外有個朋友仔都黎食, 所以就加多個餃子囉~
怕2個男人唔夠食嘛~

個炒米粉我覺得一定要用易潔pan, 唔係好易黐底~ (心得由shirley黎)
個餃子係買架, 係韓式餃子黎, 細細細隻, 但食落唔錯,
我係先用熱水煮熟, 再用pan仔煎香少少, 加少少魚露~
食到我對面果2位男仕話"好~"
至於個白粥, 我就煮好曬之後, 臨食就加d粟米粒落去,
我記得以前我去香港既吃素店, 都係加d冬菇同粟米落去,
原來都好好食~

新玩意~

2009-03-20T13:36:00.004-04:00

今日, 去market果時, 見到有呢樣野賣, 對我黎講當然係新玩意啦,
未整過~ 之前係菠蘿公主到見過佢整鮮果寒天粉果凍, 好似好好食咁,
所以就買包返黎試下~ 整完再post相~

另外, 之前我講過美國既spam午餐肉, 未post過佢既相, 而家補返~ :p

日本人的飲食禮儀

2009-03-19T11:41:00.003-04:00

對日本文化很喜愛的我, 係漫遊網上, 看到一篇文章, 是講日本人的飲食禮儀,
看過以後, 明白了許多, 雖然有一點點是以前已知, 但正式看完, 更加了解~

去片!~

-------------------------------------------------------------
儀就是要窮一生揣摩別人的心思。可以想像，日本餐桌上的禮儀，就是一項猜心遊戲，大家保持客氣，卻對互相有所期望，真不真心，反而是其次。聽起來，真不夠爽啊！你以為日本人禮貌周到的世界級名氣，是隨隨便便白賺回來的嗎？
與三五知己在香港的日本餐廳吃飯，當然無所謂；一旦與日本人上高級館子，或往日本當地用膳，以下的禮儀，最好要知道。

第一訣: 長者賓客先進
一夥人來到餐廳，應該哪一位先行，哪一位先入席？通常是年紀最大的。倘是黃花閨女的中年女性，會否覺得是崩口人忌崩口碗？
若有賓客的話，就由賓客先行，與年紀無關。一旦主人邀請你先行，你不單要開心順從，還要輕輕鞠躬，表示感謝。

第二訣: 以「多謝」為始為終
禮多人不怪，禮少反而令人覺得你奇怪。在真正用膳之前，說些客氣話，就算不太實際，倒不會惹人反感。起筷之前，可以說「Itadaki-masa」（音：易他他 key -馬殊），表示多謝款待，雖然廚師聽不到你的感謝，賬單也是各自付的，但不緊要；吃過飯後，就說「Gochisou-sama」（音：哥之梳沙媽），表示很好吃、很多謝，真的好不好吃，不太重要。
看過日劇的朋友，都發覺所有的男女演員，一旦把食物放入口，就會睜大雙眼或瞇起雙眼，神采飛揚地說「oishii」（音：哀施），這真是習以為常的餐桌禮儀，食物味道如何，是另一回事，那一句「oishii」，正是飯局主持人和廚師期望聽到的。你覺得很偽善嗎？既然聆聽者都不太認真去聽，你又何必太執著真偽呢，死蠢!

第三訣: 筷子的學問
傳統的日本料理，都採用筷子。既然大家都是筷子民族，本應不必多說，卻有些事情是不得不說：
-- 握快子的末端，不是中間或太低位置。
-- 不用筷子時，把筷子橫陳於你的跟前，筷子尖向左。
-- 切勿把筷子插進食品，尤其是白飯內，只有葬禮上的神檯，才會把筷子插進白飯內。
-- 遞食品時，切忌切忌不可把食品以筷子互相傳來傳去，只有在葬禮中火葬後的骸骨，才會以筷子傳來傳去。
-- 不要拿著筷子指來指去，扮指揮；更不可指著同桌人，這動作暗示對方要離開。
-- 要把大件的食品分食的話，可用筷子乾淨的另一端來把食品分開。

第四訣: 「殊殊」聲的讚美
無論是飲湯或食湯麵，一邊吃一邊發出「殊殊」聲，不單被廣泛接受，還被視為一種對廚師的讚美，這方面與西方禮儀簡直是南轅北轍。沒有發出「殊殊」聲，反而被認為是怪誕。
不知怎樣發出美妙動聽、符合日本國民需要的「殊殊」聲？請向鄰坐食客參考。

第五訣: 壽司一件一口
吃壽司可以用筷子或徒手。一般而言，握壽司是要求食客一口吃掉，一旦把壽司分成數口才吃掉，會完完全全破壞壽司的美麗外形，變成一攤稀巴爛。

第六訣: 吃得一粒一漏
把碟上或碗內的食品一粒不漏地吃掉，被視為對飯局主人的尊重，亦是對廚師的讚揚。若是飯局主人是一位對你很重要的人，就算你飽得要命，倒要堅持到最後一粒飯。因此，請及早留意飯局的性質，必要時帶著空肚子登場。

第七訣: 吃完就回到原位
吃完飯後，盡量把眼前的杯碟碗筷回復上檯時的原貌，例如把碟碗放回原本位置，並蓋上原有的碗蓋，火鍋上原有的碗蓋、火鍋蓋，把筷子放回原位等。

第八訣: 飲酒斟個夠本
日本的飲酒禮儀，與中國的差不多，總之要為朋友斟個夠、斟到滿，要經常注意身邊座上客的杯子是否已清空。所以，如你想飲到盡，請盡量快將酒飲光。
相反，若你已飲到夠 quota，當別人替你斟酒時，可以手遮掩杯口，表示足夠。
就算你不懂飲酒，亦毫不喜歡飲酒，在大家乾杯時，不妨都輕嘗一兩滴杯中物，以示對在座人士的尊重。
-------------------------------------------------------------

看完, 有否"叮"一聲呢~ 下次我去食日本野, 我想~ 我會嘗試一下上面所講既野~ :p

sushi yuko日本野~

2009-03-19T10:59:00.003-04:00

今日放工, 為左就"主人"8點去剪頭髮, 就去左間shop附近既地方食飯,
而附近最好食既就得佢, sushi yuko~

當然叫的, 又係take combo, 另外再加炸魷魚so 同加州卷啦~
d炸魷魚so...好食過香港果d好多, 人地冇咁多粉, 香口夠味d,
可惜係$5蚊美金, 得果6條~

天天都是簡單的一天 :p

2009-03-19T10:40:00.002-04:00

唔知應該係話我懶丫, 定係2個人唔煮得d咩出黎, 可能冇咩耐心啦,
好似日日整出黎d野都好簡單咁, 不過... 簡簡單單, 生活會好過一點~

好多野唔需要刻意建做, 自自然然, 就會適應, 就會同意~
今日整左麵醬蠔油魚片炒肉絲~ 腐乳唐生菜~
粟米火腿肉碎湯~ 同蒸咸魚仔~ (多鈣喎~ :p )

我的至愛~ 午餐肉

2009-03-15T15:48:00.004-04:00

作為一個香港人, 由細到大, 最鍾意既, 都係午餐肉 & 五香肉丁,
以前只有係打風時節, 阿媽買唔到餸, 先會開罐午餐肉, 加個公仔麵,
好難先有機會食到~

後來大個左, 以前係香港返工, 去茶餐廳食早餐,
我一定係叫豬扒餐肉~(好似呢個咁~)

而家離開左香港, 冇得再食梅林牌了, 以為冇得食啦,
點知原來美國人都有午餐肉架, 佢地叫做"spam"~

食落口, 嘩, 好食過大陸果d添, 仲要鬼佬大牌子,
大家都知大陸幾多假野, 就算真好多時品質都麻麻地...
而家有左佢, 呵呵~ 我就成日可以食了~

今日開左罐午餐肉, (因為突然間想食...)
午餐就午餐肉烏冬+雞絲沙律+烏龍茶~

晚餐就粟米火腿肉碎伴午餐肉飯~ 呵~ 好味唷~

咖哩魚柳雞鎚飯, 炸菜肉絲, sukiyaki金菇

2009-03-14T10:49:00.005-04:00

又係簡簡單單的一餐, 尋日整完雞翼, 今日整雞鎚+魚柳~
呢個係日式咖哩黎架, 因為唔夠辣的關係,
我自己再加d泰國辣椒落去, 基本既做法係源自"jubie"~
佢既做法係日式味噌+日式咖哩磚~
果個金菇好好味架, 又係"jubie"教既~
就係金菇加d sukiyaki汁落去煮, 又方便, 又好食~
另外為左比"主人"有餸帶飯, 我就整多個炸菜肉絲比佢,
佢好like呢味, 因為好送飯~

咖哩雞翼飯, 雞腳海参花膠瘦肉湯

2009-03-13T10:29:00.003-04:00

因為個湯太太太貴
所以個飯同餸就簡單d,
平衡收支嘛~ 呵呵~

呢個"雞腳海参花膠瘦肉湯" 係我既至愛,
因為佢骨膠原一流, 又清甜, 又方便,
如果你仲想豪d, 臨食前半小時,
加d已經出曬水準備好既魚翅落去煲, 都可以架, 幾好味架~

蒜頭豆鼓蒸排骨茄子

2009-03-11T10:38:00.002-04:00

之係係網上面既好多食譜blog, 見過好多朋友都話呢個餸好好食,
我今日終於落手整黎試下...

嗯~ 味道都唔錯, 不過唔知係咪我蒸得太耐,
d茄子好似"林"左d... 不過真係好易整, 好簡單既~

今餐簡簡單單, 得個蒜頭豆鼓蒸排骨茄子, 煎三文魚扒, 煎豬扒, 同魚片炒芥蘭~

日本野~

2009-03-10T15:10:00.002-04:00

放工食咩好呢~ 原來... 主人攪錯左d野... (嘿...)
佢話去食生蠔, 但我lunch食得太飽了, 唔想食生蠔,
所以就走左去食日本野, 我可以係咁咦食d就ok~

sushi yuko~ 我地呢到最似樣既日本野得呢間,
日本人開, 日本人師父, 日本人侍應, 都幾傳統既~

我地2個人叫左1個take combo~
有1個魚生, 1個照燒牛扒, 1個tampura~
另外加多個加州圈~ $30蚊美金架啦~

驚喜?!

2009-03-06T23:35:00.002-05:00

今日中午,我主人無啦啦打比我, 話今晚唔煮飯...
話出去食, 問佢同邊個去又唔講, 去邊到食又唔講,
攪到我咕嚕咕嚕左成日...
終於, 主人放工啦, 返黎車我出去, 再問佢去邊, 都仲係唔肯講!?

然後佢叫我估... 點估啊...
主人你都唔係一個浪漫或者會比我驚喜既人...
我以為佢約左朋友出去食飯添...
講得幾講, 原來... 係周年紀念日... 哦...
我仲以為佢唔會慶祝既添... 因為之前咁多年都冇慶過...
主人話, 因為次次佢都係過左先記得... 唔好意思提... -.-"
今日記得... 所以今次慶祝... (激死... )

算啦, 記得好過唔記得既~
我地去左只會係慶祝先捨得去食既餐廳~ stoney river到食~
真係好貴架 -.-" 2個人, 起碼$80(美金!) 先出到門口...

我地叫左1個小食~ 羊架!
1個沙律~ 1個牛扒~ 2杯sweet tea~ (咁多咋...)

終於落雪啦~

2009-03-01T13:16:00.005-05:00

由12月到而家, 試過凍好多日, 試過好多次有落雪既警告,
但都係失望收場~ 以為今年冇架啦~ 唔會落雪, 點知今朝一早起身...

嘩~ 仲要好大雪添呀~ 打亂左我地今日出去飲咖啡食brunch既計劃~
算啦, 係屋企整囉~ ^^~

蕃茄肉碎黃豆

2009-03-01T13:11:00.002-05:00

簡簡單單的一餐dinner~
我近來愛上了蕃茄, 原來蕃茄好有益架, 可以抗衰老~
(當然我仲好後生啦, 但都要keep架~)
黃豆又係好有益, 而且濕濕地好送飯~

當然啦, 一餐飯點都要有d菜既, 節瓜啦, 好食~
所以就有節瓜蝦米啦~
又易整, 又好食~

開檔啦~

2009-02-26T15:06:00.003-05:00

一路都好想有恆心寫個blog, 之前都放棄左好多個, 希望今次會成功~
點解叫主人飯堂? 因為呢個飯堂係為我主人而設囉, 主人咪就係我honey囉~
嘿~ 唔好以為我叫佢係主人, 就好似話到自己好低咁, 呢個叫法係個日本太太教架~
佢話原來係日本, d太太多數都叫個老公做主人, 係出面咪比佢做下主人囉~
返到屋企, 更係我先係主人啦~ 呵呵~
之前整左好多野食, 但唔係次次記得影, 影左果d一次過post就算了,
以後果d再細講點整同發生咩事啦~