主人鴨絲炒麵~

上兩星期, 主人有日心血來潮, 話佢好耐冇整"鴨絲炒麵",
話要整過我食...

咦咦咦!!! 乜你識整既咩...
當然啦, 難得佢開口, 我當然歡迎,
就係咁, 第2日放左工, 同主人去買完食送, 再買多半隻燒鴨,
就返左屋企煮飯仔...

主人買左D"炸麵"... 然後係到翻炸... (好肥... 比我會選擇焗...)
然後再張D鴨起骨, 切絲, 再同鴨汁煮個汁, 加芽菜果D炒埋...



嗯... 味道都幾好既... 當然我更係讚佢"好好好好食啦"...
容乜易佢唔肯下次再煮架...
不過我自己就唔會整... 因為唔係我既STYLE~ :P

留返D只係我佢識整既野, 唔好話樣樣我都識,
一陣佢比較完以後就唔肯整架啦... >.<" (好似燉旦咁...)

佢以前整過, 之後我上網學左第2個方法, 整比佢試過之後,
佢就唔肯再整啦... 嗚... 話我整好食D... 咁我就冇得再食佢既手勢了...